कु.आद्या गौरव ओरसकर हिच्या हस्ते आपली सिंधुनगरी न्यूज चॅनेलच्या नवरात्र आरती संग्रह ‘कृतिका’ चे प्रकाशन

मालवण प्रतिनिधी
आपली सिंधुनगरी न्यूज चॅनेल प्रस्तुत नवरात्री २०२४ च्या ‘कृतिका’ या छोटोखानी आरती संग्रहाचे प्रकाशन मालवणच्या कुमारी आद्या ओरसकर हिच्या हस्ते करण्यात आले. नवरात्रीत्सवाच्या औचित्याने, बालिकारुपी देवीच्या महतीचा जागर अशी या कृतिका आरती संग्रह प्रकाशनामागील संकल्पना होती.यावेळी कु. आद्या ओरसकर हिच्यासह, कुमारी पूर्वा तळवडेकर, कु. अन्विता ओरसकर, ज्येष्ठ नागरीक सौ स्मिता गंगाराम बंदरकर, ॲड सोनल अमित पालव, आहारतज्ञ गार्गी गौरव ओरसकर, निवृत्त कस्टम कर्मचारी गंगाराम बंदरकर, उद्योजक गौरव ओरसकर, कुमार अद्वैत अमित पालव, आपली सिंधुनगरी न्यूज चॅनेलच्या मुख्य संचालक सौ फिलोमीना पंडित, मुख्य संपादक सुयोग पंडित आणि कृतिका आरती संग्रहाचे संकल्पना संयोजक सहिष्णू पंडित उपस्थित होते.आपली सिंधुनगरी न्यूज चॅनेलच्या सर्व पोर्टल बातम्यांवर देखिल कृतिका आरती संग्रह डिजीटल स्वरुपात उपलब्ध आहे अशी माहिती सहिष्णू पंडित यांनी यावेळी दिली.