दोडामार्ग शासकीय रुग्णालयास वैद्यकीय साहित्याचे वाटप
दोडामार्ग प्रतिनिधी
ग्रामीण भागातील सर्वसामान्य जनतेच्या आरोग्यविषयक अडचणींची जाणीव ठेवून “रुग्ण सेवा हीच ईश्वर सेवा” या भावनेने प्रेरित होऊन युवा उद्योजक विशाल परब यांनी आज दोडामार्ग येथील शासकीय रुग्णालयास व्हीलचेअरसह विविध वैद्यकीय साहित्य प्रदान केले. या उपक्रमाअंतर्गत मॅन्युअल बीपी मशीन, स्टेथोस्कोप, पल्स ऑक्सिमीटर, थर्मामीटर इत्यादी उपयोगी साहित्यही देण्यात आले.
या वेळी बोलताना विशाल परब म्हणाले, “दोडामार्गमधील ग्रामीण जनतेच्या आरोग्य समस्यांची मला पूर्ण जाणीव आहे. तळागाळातील गोरगरीब रुग्णांना मदतीचा हात देता यावा म्हणून मी जेवढे शक्य होईल तेवढे करतो आहे. मात्र, ही सेवा अधिक प्रभावी आणि लोकाभिमुख व्हावी यासाठी शासकीय व प्रशासकीय पातळीवरही प्रयत्न करणे गरजेचे आहे.”
या कार्यक्रमाला दोडामार्ग ग्रामीण रुग्णालयाचे अधीक्षक डॉ. येडगे, डॉ. मसरकर, डॉ. रेडकर आदी मान्यवर उपस्थित होते. विशाल सेवा
फाउंडेशन व विशाल परब मित्रमंडळ यांनी संयोजन केलेल्या या उपक्रमात रंगनाथ गवस, शिरीष नाईक, महेश गवस, दिवाकर सावंत, समीर गवस, नागेश पर्येकर, जनार्दन नाईक, निलेश शिरोडकर, दादा रेडकर, संदीप देसाई, नाना देसाई, हरिचंद्र शेठकर, समीर लोंढे, संकेत शेट्ये, नंदराज शेट्ये, निलेश धरणे, श्याम गवस, संजय ऊसपकर, प्रमोद दळवी, मनोज गवस, प्रशांत गवस, नारायण गवस, सचिन नाईक, संजय देसाई, सखाराम झोरे, प्रकाश देसाई, राजन नाईक, महादेव गवस, प्रदीप गावडे, सुनील सावंत यांचे मोलाचे सहकार्य लाभले.
दोडामार्गमध्ये या सामाजिक उपक्रमाचे सर्वत्र कौतुक होत असून, युवाशक्तीच्या या सेवाभावात्मक कृतीने निश्चितच प्रेरणा मिळेल, असा विश्वास अनेकांनी व्यक्त केला आहे.
