सोशल मीडियाच्या प्रचाराला तोडीस तोड उत्तर अद्याप विरोधकांकडून दिले जात नाही
कणकवली प्रतिनिधी
मतदारसंघांमध्ये भाजप महायुतीचे उमेदवार म्हणून आमदार नितेश राणे यांचे नाव अधिकृत रित्या जाहीर होणे बाकी असतानाच आमदार नितेश राणे यांच्याकडून मात्र सोशल मीडियावरील प्रचारात आघाडी घेण्यात आली आहे. सध्या आमदार नितेश राणे यांच्या कार्यकर्ते पदाधिकाऱ्यांकडून सोशल मीडियावर अक्षरशा रील्स, व पोस्टर चां पाऊस पडत असून केलेली विकास कामे, जनतेचे सोडवलेले प्रश्न व जनतेशी असलेले आमदार नितेश राणे यांचे नाते या साऱ्यांच्या माध्यमातून आमदार नितेश राणेंनी सोशल मीडियाच्या माध्यमातून जास्तीत जास्त वेगवान जनतेपर्यंत आपली केलेली विकास कामे पोहोचविण्याचा केलेला प्रयत्न सध्या यशस्वी ठरल्याचे दिसत आहे. आमदार नितेश राणे हे निवडणुकीच्या ऑफलाईन प्रचारा सोबतच सोशल मीडियावरील प्रचारात अग्रभागी असल्याने त्यांच्याकडून समोर उमेदवार कोणीही असू दे मात्र मताधिक्य वाढवून विरोधकांना भुईसपाट करण्याच्या खास राणे स्टाईलचे तंत्र सध्या अवलंबले जात आहे. आमदार नितेश राणेंच्या विरोधात कोण असेल हा भाग जरी वेगळा असला तरी नितेश राणेंच्या या सर्व सोशल मीडियाच्या प्रचाराला तोडीस तोड उत्तर अद्याप विरोधकांकडून दिले जात नाही ही खरी राणेंची ताकद आहे. त्यामुळे सध्या तरी मतदारसंघात आमदार नितेश राणेंचीच हवा असल्याचे पाहायला मिळत आहे.
