कुडाळ- मालवण विधानसभा लढण्यास “हिरवा कंदील“..
कुडाळ प्रतिनिधी
माजी खासदार निलेश राणे २३ ऑक्टोबरला शिवबंधन बांधणार आहेत. ते आपल्या कार्यकर्त्यांसह शिवसेनेत प्रवेश करणार आहेत. विशेष म्हणजे त्यांच्या प्रवेशाच्या पार्श्वभूमीवर मुख्यमंत्री एकनाथ शिंदे सिंधुदुर्ग जिल्ह्यात उपस्थित राहणार आहेत.
श्री. राणे हे कुडाळ-मालवण विधानसभा मतदारसंघातून निवडणूक लढविण्यासाठी इच्छुक आहेत. या पार्श्वभूमीवर त्यांनी नुकतीच भाजप नेते देवेंद्र फडणवीस यांच्यासह मुख्यमंत्री एकनाथ शिंदे यांची भेट घेतली. त्यानंतर हा मतदारसंघ शिवसेनेला सोडण्यात यावा, अशी मागणी करण्यात आली. त्यानुसार त्या ठिकाणी निलेश राणे यांना निवडणूक लढविण्याची संधी देण्यात येणार आहे. यासाठी खुद्द मुख्यमंत्री २३ तारखेला सिंधुदुर्गात कुडाळ येथे उपस्थित राहणार आहेत.
