राणेंचे भव्य शक्ती प्रदर्शन;रत्नागिरीत उसळला कमळसागर;प्रमोद सावंतासह किरण सामंताची उपस्थिती…
रत्नागिरी (प्रतिनिधी)
सिंधुदुर्ग-रत्नागिरी लोकसभा मतदारसंघाचे महायुतीचे उमेदवार तथा केंद्रीय मंत्री नारायण राणे यांनी भव्य शक्ती प्रदर्शन करीत लोकसभेसाठी आपला उमेदवारी अर्ज दाखल केला. यावेळी गोव्याचे मुख्यमंत्री प्रमोद सावंत, मंत्री दीपक केसरकर, मंत्री रविंद्र चव्हाण यांच्यासह माघार घेतलेले उमेदवार किरण सामंत यांची प्रमुख उपस्थिती होती.
रत्नागिरी येथील मारुती मंदिर ते जिल्हाधिकारी कार्यालय रॅली काढून भव्य शक्तिप्रदर्शन करण्यात आले. यावेळी अबकी बार.. ४०० पार..!!, नारायण राणे साहेब आगे बढो, हम तुम्हारे साथ है…!! भारतीय जनता पार्टीचा विजय असो, अशा जोरदार घोषणा देण्यात आल्या. यावेळी सिंधुदुर्ग- रत्नागिरी जिल्ह्यातील हजारोंच्या संख्येने कार्यकर्ते उपस्थित होते.
