मनसे मार्फत कुडाळ तहसीलदार यांना पुष्पगुच्छ देऊन शुभेच्छा देण्यात आल्या
कुडाळ तहसीलदार कार्यालय येथे तहसीलदार कुडाळ यांनी सुचना / तक्रार पेटी बसवली असून लोकांनी सुचना किंवा तक्रारी या मधे लिहून टाकाव्यात याची दखल खुद्द तहसीलदार घेणार अशा उपक्रमाचे उद्घाटन नुकतेच तहसीलदार यांनी केले.
तालुक्याच्या ग्रामीण भागातून विविध कामांकरिता येणाऱ्या सामान्य नागरिकांना अनेक अडचणी येतात, उदा. शासकीय, शालेय कामांचे विविध दाखले, महसुल सबंधीत कामे, विविध शासकीय योजना करिता लागणारी कागद पत्रे अशात अनेकदा प्रशासकीय कर्मचारी किंवा नेटवर्क अडथळा यामुळे नागरिकांच्या अनेक खेपा होतात. अशावर नियंत्रण आणणे आणि कारभार पारदर्शक व गतिमान करण्याच्या दृष्टीने कुडाळ तहसीलदार यांनी सूचनापेटी लावण्याचा घेतलेला निर्णय अतिशय स्तुत्य आहे. अशाच प्रकारे शासनाच्या इतरही विभाग प्रमुखांनी आप आपल्या कार्यालयांमध्ये सूचना/तक्रार पेटी जनतेसाठी उपलब्ध करुन दिल्यास. जिल्ह्यातील नागरिकांना प्रशासकीय कामात होणाऱ्या अडचणी वरिष्ठ अधिकाऱ्यांच्य लक्षात येऊन त्यावर योग्य कार्यवाही करणे सोपे जाईल.
आणि म्हणूनच महाराष्ट्र नवनिर्माण सेनेमार्फत विरसिंग वसावे यांना पुष्पगुच्छ देऊन या स्तुत्य उपक्रमास शुभेच्छा देण्यात आल्या. जिल्हाध्यक्ष धीरज परब, उपजिल्हाध्यक्ष कुणाल
किनळेकर, तालुकाध्यक्ष हेमंत जाधव, उपतालुकाध्यक्ष गजानन राऊळ, विद्यार्थी सेना तालुकाध्यक्ष यतीन माजगावकर, माजी उपतालुकाध्यक्ष जगन्नाथ गावडे आदी पदाधिकारी उपस्थित होते.
