मालवण प्रतिनिधी
तालुक्यातील वराड गावातील युवकांनी आमदार
नाईक यांच्या नेतृत्वावर व कार्यप्रणालीवर विश्वास ठेवून माजी आमदार परशुराम उपरकर यांच्या उपस्थितीत ठाकरे शिवसेनेत प्रवेश केला. यावेळी उपरकर यांनी सर्व युवकांचे शिवबंधन बांधून त्यांचे पक्षात स्वागत केले.
यावेळी प्रवेशकर्त्यांनी आमदार वैभव नाईक हे सर्वसामान्य जनतेमध्ये वावरुन सर्वसामान्यांच्या वेळप्रसंगाला धावुन जाणारे आमदार आहेत. शेतकऱ्यांचे प्रश्न जाणून घेऊन त्या प्रश्नांना न्याय मिळवून देण्याचा प्रयत्न आमदार नाईक सातत्याने करतात. एक हक्काचे आमदार म्हणून आम्हाला त्यांच्या कार्यपद्धतीवर विश्वास असून त्याच विश्वासातून आम्ही ठाकरे शिवसेनेत प्रवेश करत आहोत, असे स्पष्ट केले.
यावेळी ओमकार रावले, हर्षद मिठबावकर, कुणाल मिठबावकर, ओमकार फोपळे, अभिषेक टेमकर, पंकज म्हाडगुत या युवकांनी शिवसेना उद्धव बाळासाहेब ठाकरे पक्षामध्ये प्रवेश केला. याप्रसंगी कट्टा ग्रामपंचायत सदस्य बाबू टेंबुलकर, युवासेना विभागप्रमुख वंदेश ढोलम, रुपेश आमडोसकर आदी शिवसैनिक उपस्थित होते
